Se kilde til Tunuliaqut

[[File:Flags_new.gif]]

== Avannaamioqatigiinni oqaatsitigut inissisimanerit ==

Avannaamioqatigiit ukuupput; Danmarki, Savalimmiut, Kalaallit Nunaat, Finland, Åland, Island, Norge Sverigilu. Savalimmiut Kalaallit Nunaallu Danmarkip kunngeqarfianut ilaapput, Åland kunngiitsuuffimmut Finlandimut ilaavoq.

Oqaatsit taakkua ilaat imminnut qanittumik ilaqutariipput, allalli oqaatsitut ilaqutariittunut allanut ilaallutik. Avannaamioqatigiinni marluinnik arlariinnillu oqaaseqarfiusunik peqartiterpoq, siammasissumillu naalagaaffiit taakkua akornanni suleqatigiinnerup kingunerisa ilagisimavaat nutserinermik oqaluttaanermillu sivisuumik sungiusimasaqalerneq.

== Tunuliaqutaa ==

Naalagaaffinni Avannaamioqatigiinni sivisuumik sungiusaqarfiuvoq taaguusersuinermi suliaqarneq. Tassami teknikkut taaguusersuutinik suliat siulliit suliarineqarput 18-kkulli naalerneranni. Taaguusersuutinik suliaqarneq nalinginnaasumik suliatut ukiut untritillit makkua aallartinneranni Islandimi ingerlanneqalerpoq aamma Danmarkimi, Finlandimi, Norgemi Sverigemilu 1940-kkunni.

Nordtermimik aallartisaaneq pivoq 1976-imi taaguusersuisartut Danmarkimiit, Norgemiit, Sverigemiillu sinniisuusut Stockholmimi siullerpaamik naapeqatigiimmata. Tamanna kinguneqarpoq ataatsikkut pikkorissaqatigiittarnermik oqaloqatigiittarnernillu suliniutit assiigiingitsut pillugit. Avannaamioqatigiinni taaguusersuisarneq pillugu suleqatigiinnissamik pisariaqartitsisoqartorujussuuvoq, suleqatigiinnerlu taama ittoq paasinarsivoq kinguneqarluartoq. 1987-imi Nordtermimut najoqqutassaq pisortatigoortoq pilersinneqarpoq; tassunga tunngasunik allannguutit kingulerpaat suliarineqarput 2007-imi.


[[da:Baggrund]]
[[en:Background]]
[[fi:Tausta]]
[[is:Saga]]
[[kl:Tunuliaqut]]
[[no:Bakrunn]]
[[se:Dieđut]]
[[sv:Bakgrund]]