Organisašuvdna

Nordterm ulbmilat ja bargoviidodat

Nordterm ulbmilin lea doaibmat terminologiijabarggu davviriikkalaš forumin ja fierpmádahkan. Dán ulbmila ollašuhttimii, Nordterm:

• ovddida terminologiijasuorggi ovttasbarggu Davviriikkain, dieđuid, vásáhusaid ja bohtosiid lonuhallamiin, oktasaš prošeavttaiguin ja konferánssaid ja symposiaid lágidemiin
• nanne Davviriikkaid rolla ja váikkuhanvejolašvuođaid terminologiija ovddideames riikkaidgaskasaš dásis bargguid koordineremiin ja oktasaš prinsihpaid ovddidemiin
• doaibmá tearbmadutkamis, geavatlaš tearbmabarggus, tearbmaoahpahusas ja eará bargguin mat gullet terminologiijai.

Deaŧáleamos buot Nordtermdoaimmain lea Nordtermčoahkkaneapmi mii lea juohke nuppi jagi. Nordtermčoahkkaneapmi lea rabas forum buot davviriikkaid tearbmaberošteddjiide. Nordtermčoahkkaneami oktavuođas lágiduvvo davviriikkalaš tearbmakongreassa.

Nordterm aktiivvalaččat oassálastá tearbmaovttaiduhttinbarggus ja oallugat Nordterm mielláhttuorganisašuvnnain leat iešguđet dásiin mielde ISO/TC 37:s.

Dáppe logat Nordterm njuolggádusaid.

Nordterm oassálastit

Nordterm váimmus čohkiida guđa davviriikkalaš terminologiijaguovddážis:

• Terminologigruppen, Danmárku
• Sanastokeskus TSK / Terminologicentralen TSK, Suopma
• Stofnun Árna Magnússonar í íslenskum fræðum, Islánda
• Språkrådet, Norga
• Sámediggi, sámit
• Språkrådet, Ruoŧŧa

Dáid lassin leat máŋggat organisašuvnnat ja ovttaskas olbmot, geat servet Nordterm doaimmaide.

Stivrenjoavku

Nordterm stivrenjoavku lea Nordterm bajimus orgána mii ovttastáhttá doaimmaid ja ovddasta Nordterm riikkaid gaskasaš oktavuođain. Stivrenjoavkkus lea ovddasteaddji juohke Nordterm terminologiijaguovddážis.

2019-2021 Nordterm stivrenjoavkkus leat čuovvovaččat:

• Danmárku: Hanne Erdman Thomsen, Terminologigruppen i Danmark
  • sadjásaš: Bodil Nistrup Madsen, Terminologigruppen i Danmark
• Suopma: Katri Seppälä, TSK (Jođiheaddji)
  • sadjásaš: Mari Suhonen, TSK
• Islánda: Ágústa Þorbergsdóttir, Stofnun Árna Magnússonar í íslenskum fræðum
  • sadjásaš: Ari Páll Kristinsson, Stofnun Árna Magnússonar í íslenskum fræðum
• Norga: Marianne Aasgaard, Språkrådet
  • sadjásaš: Ole Våge, Språkrådet
• Ruoŧŧa: Åsa Holmér, Språkrådet
  • sadjásaš: Karin Webjörn, Språkrådet
• Sápmi: Marko Marjomaa, Sámediggi

Bargojoavkkut

Tearbmadoaimmaid doaimmahit Nordterm bargojoavkkut.

Dá leat Nordterm bargojoavkkut:

• AG1 — Terminologiijadutkan ja terminologiijaoahppu
  • čálli: Åsa Holmér, Språkrådet
• AG2 — Terminologiija - digitaliseren ja bargoneavvut
  • Jođiheaddji: Ole Våge, Språkrådet
  • čálli: Henrik Nilsson