Organisasjon

Mål og verksemdsområde for Nordterm

Nordterm skal vere eit nordisk forum og nettverk for terminologiarbeid og skal:

• fremje og tryggje det nordiske samarbeidet om terminologi gjennom utveksling av informasjon, røynsler og arbeidsresultat, gjennom fellesprosjekt og ved å halde konferansar og seminar,
• sikre at dei nordiske landa har innverknad på og er med i den terminologiske utviklinga på internasjonalt plan gjennom samarbeid og retningsliner som er fastlagde i fellesskap,
• drive med terminologiforsking, praktisk terminologiarbeid, terminologiutdanning og anna verksemd som har med terminologi å gjøre.

Den viktigaste aktiviteten i Nordterm er Nordterm-forsamlinga annakvart år. Forsamlinga er eit forum som er ope for alle terminologiinteresserte i dei nordiske landa. I samband med forsamlinga blir det skipa til ein nordisk terminologikonferanse.

Nordterm tek aktivt del i arbeid med terminologistandardisering, og fleire av medlemsorganisasjonane i Nordterm er representerte på ulike nivå i ISO/TC 37.

Her kan du lese vedtektene for Nordterm.

Nordterm-organisasjonane

Terminologisentra i dei nordiske landa er kjernen i Nordterm:

• Terminologigruppen, Danmark
• Sanastokeskus TSK / Terminologicentralen TSK, Finland
• Stofnun Árna Magnússonar í íslenskum fræðum, Island
• Språkrådet, Noreg
• Sametinget i Finland, samer
• Språkrådet, Sverige

I tillegg til desse har mange andre organisasjonar og personar tatt del i Nordterm-aktivitetar.

Styringsgruppa

Det øvste organet i Nordterm er styringsgruppa, som samordnar aktivitetane og representerer Nordterm internasjonalt. Styringsgruppa er sett saman av éin representant for kvar Nordterm-organisasjon.

Styringsgruppa har i 2017–2019 denne samansetnaden:

• Danmark: Hanne Erdman Thomsen, DANTERM Research (leiar)
  • vararepresentant: Bodil Nistrup Madsen, DANTERMcentret
• Finland: Katri Seppälä, TSK
  • vararepresentant: Mari Suhonen, TSK
• Island: Ágústa Þorbergsdóttir, Stofnun Árna Magnússonar í íslenskum fræðum
  • vararepresentant: Ari Páll Kristinsson, Stofnun Árna Magnússonar í íslenskum fræðum
• Noreg: Marianne Aasgaard, Språkrådet
  • vararepresentant: Ole Våge, Språkrådet
• Sverige: Åsa Holmér, Språkrådet
  • vararepresentant: Karin Webjörn, Språkrådet
• Sápmi: Marko Marjomaa, Sametinget i Finland

Arbeidsgrupper

Det er arbeidsgruppene i Nordterm som gjennomfører dei terminologiske aktivitetane.

Arbeidsgruppene er:

• AG1 — Terminologiforsking og terminologiutdanning
  • Ordførar: Nina Pilke, Vasa universitet
  • Varaordførar: Marita Kristiansen, Norges Handelshøyskole
  • Sekretær: Åsa Holmér, Språkrådet
• AG2 — Termhandteringsverktøy
  • Ordførar: Henrik Nilsson
  • Sekretær: Gisle Andersen, Norges Handelshøyskole
• AG5 — Nordterms internettinformasjon
  • Ordførar: Henrik Nilsson
  • Sekretær: Mari Suhonen, TSK