Skipulag

Markmið og umfang starfsemi Nordterm

Meginmarkmið Nordterm er að vera norrænn upplýsingamiðill fyrir íðorðastarfsemi. Til að svo megi verða mun Nordterm:

• stuðla að samvinnu á Norðurlöndum á sviði íðorðafræða með því að skiptast á upplýsingum, reynslu og niðurstöðum, með samstarfsverkefnum og á ráðstefnum og málþingum
• tryggja áhrif og og alþjóðlegt hlutverk Norðurlandaþjóða í þróun íðorðafræða með því að samræma krafta og mynda sameiginlegar viðmiðunarreglur
• vinna að rannsóknum í íðorðafræði, hagnýtu íðorðastarfi, menntun í íðorðafræði og annarri starfsemi sem tengist íðorðafræði.

Mikilvægast í starfsemi Nordterm er Nordterm-þingið sem kemur saman annað hvert ár. Nordterm-þingið er vettvangur sem er opinn öllum þeim sem áhuga hafa á íðorðastarfi á Norðurlöndum. Í tengslum við Nordterm-þingið er skipulögð norræn íðorðaráðstefna.

Nordterm tekur virkan þátt í stöðlun íðorða og ýmsar af samstarfstofnunum Normdterm eru fulltrúar á ólíkum sviðum í ISO/TC 37.

Hér má lesa reglur Nordterm.

Aðiljar að Nordterm

Kjarninn í Nordterm er miðstöðvar íðorðastarfs á Norðurlöndum:

• Terminologigruppen, Danmörku
• Sanastokeskus TSK / Terminologicentralen TSK, Finnlandi
• Stofnun Árna Magnússonar í íslenskum fræðum, skrifstofa Íslenskrar málnefndar, Íslandi
• Språkrådet, Noregi
• Sámediggi, samar
• Språkrådet, Svíþjóð

Auk þess taka fjölmargar aðrar stofnanir og einstaklingar þátt í starfsemi Nordterm.

Stjórnarnefnd

Stjórnarnefnd Nordterm er æðsta stofnun samtakanna sem samhæfir starfsemina og er fulltrúi Nordterm út á við. Stjórnarnefndin er skipuð einum fulltrúa frá hverjum samstarfsaðilja.

Í stjórnarnefnd Nordterm 2017–2019 sitja:

• Danmörk: Hanne Erdman Thomsen, DANTERM Research (formaður)
  • varamaður: Bodil Nistrup Madsen, DANTERMcentret
• Finnland: Katri Seppälä, TSK
  • varamaður: Mari Suhonen, TSK
• Ísland: Ágústa Þorbergsdóttir, Stofnun Árna Magnússonar í íslenskum fræðum
  • varamaður: Ari Páll Kristinsson, Stofnun Árna Magnússonar í íslenskum fræðum
• Noregur: Marianne Aasgaard, Språkrådet
  • varamaður: Ole Våge, Språkrådet
• Svíþjóð: Åsa Holmér, Språkrådet
  • varamaður: Karin Webjörn, Språkrådet
• Samaland: Marko Marjomaa, Sámediggi

Vinnuhópar

Íðorðastarfsemi fer fram í vinnuhópum Nordterm.

Vinnuhópar Nordterm eru:

• AG1 — Íðorðarannsóknir og íðorðamenntun
  • Formaður: Nina Pilke, Vasa universitet
  • Varaformaður: Marita Kristiansen, Norges Handelshøyskole
  • Ritari: Åsa Holmér, Språkrådet
• AG2 — Íðorðatól
  • Formaður: Henrik Nilsson
  • Ritari: Gisle Andersen, Norges Handelshøyskole
• AG5 — Internetupplýsingar hjá Nordterm
  • Formaður: Henrik Nilsson
  • Ritari: Mari Suhonen, TSK